利寶閣 (已結業)

朋友喺Togetda预订，利舞台呢间黑松露点心放题，见到有优惠，好抵食😍平日午市时段都好多人。任食两小时，样样都想试，平日两个人饮茶食唔到太多款式，今次可以一次过满足哂😋一坐低店员已奉送几款菜式。「皇牌黑松露蟹钳酥」面皮酥脆，里面夹著蟹钳，口感唔错。「黑鱼子鲜虾腐皮卷」外皮松脆，包著鲜虾肉，呢个要推介...好味👍🏻「花胶灌汤饺」大大只灌汤饺，仲有花胶，真材实料。「黑金流沙包」卖相好靓，里面流沙热辣辣，yummy「猪脚姜」而家已经唔系每间酒楼都食到，平日好少机会食，呢度嘅猪脚姜好好食，叫完即刻再Encore多两次😍呢个价钱可以食到咁多款，有质数嘅点心，真系好抵。见到晚餐都有放题，下次可以再试。