影片
更多
2021-06-08
230 浏览
一向都好钟意饮茶，不过点心逐碟计，一啲都唔平，叫吓叫吓随时都几百蚊埋单。最近有朋友约咗我去佐敦「辉哥私房菜」食点心放题，原来佢之前嚟过，觉得店舖嘅点心不但花款多，而且价钱经济实惠，网上预订，每位都只系 $78，另收加一及茶芥，就可以 90 分钟任食超过 50 款点心，所以想同我嚟试下。一坐低就即刻剔点心，点心全部自家制作，即叫即蒸，有蟹子烧卖、鲜虾肠粉、奶皇包、棉花鸡，另外仲有多款巧手小食、粥品及时蔬等供应，款式超多。烧卖表皮薄透，配搭顶端的蟹子，光是外形就已经令人食指大动。入口果然唔错，虾肉好大只好烟韧，蟹子也很脆口。猪肚烧卖亦值得推介，猪肚爽口之余，下面的肉球亦十分弹牙美味。虾饺皇晶莹剔透，外皮薄得嚟又够均匀，入口带点柔韧，唔会一夹就烂，虾肉爽口新鲜。凤爪好大只，腌得够晒入味，肉质软腍香口。马拉糕甜得自然，而且糕身蒸得又松又软，绝对是水准之作。奶皇包热辣辣劲流沙，食嘅时候小心奶皇浆爆晒出嚟！八味豆腐外皮炸得十分香口，内里嫩滑，豆味香浓。鱿鱼须亦值得一试，炸粉唔会好厚，入口干身松脆，而且椒盐味甚香，完全无油溢味。唐生菜新鲜嫩绿，口感爽脆，加上用了面酱来烹调，更为惹味。肉片粥嘅粥底好绵
最近有朋友约咗我去佐敦「辉哥私房菜」食点心放题，原来佢之前嚟过，觉得店舖嘅点心不但花款多，而且价钱经济实惠，网上预订，每位都只系 $78，另收加一及茶芥，就可以 90 分钟任食超过 50 款点心，所以想同我嚟试下。
一坐低就即刻剔点心，点心全部自家制作，即叫即蒸，有蟹子烧卖、鲜虾肠粉、奶皇包、棉花鸡，另外仲有多款巧手小食、粥品及时蔬等供应，款式超多。
烧卖表皮薄透，配搭顶端的蟹子，光是外形就已经令人食指大动。入口果然唔错，虾肉好大只好烟韧，蟹子也很脆口。猪肚烧卖亦值得推介，猪肚爽口之余，下面的肉球亦十分弹牙美味。
虾饺皇晶莹剔透，外皮薄得嚟又够均匀，入口带点柔韧，唔会一夹就烂，虾肉爽口新鲜。
凤爪好大只，腌得够晒入味，肉质软腍香口。马拉糕甜得自然，而且糕身蒸得又松又软，绝对是水准之作。奶皇包热辣辣劲流沙，食嘅时候小心奶皇浆爆晒出嚟！
八味豆腐外皮炸得十分香口，内里嫩滑，豆味香浓。鱿鱼须亦值得一试，炸粉唔会好厚，入口干身松脆，而且椒盐味甚香，完全无油溢味。
唐生菜新鲜嫩绿，口感爽脆，加上用了面酱来烹调，更为惹味。肉片粥嘅粥底好绵滑，瑶柱同带子鲜味完全渗晒入米内，加上嫩滑的肉片，入口香气诱人，鲜甜无比。
放题会每人奉送红烧皇子鸽半只，鸽皮烧得好香脆，食落唔会太干，鸽身啖啖肉，肉质鲜甜又不会太油腻。
另外仲有好多款大排档小食，如咖喱鱼蛋、韭菜猪红、韭菜饼、香煎萝卜糕、碗仔翅，饮料：蜂蜜雪梨汁、罐装饮品等，放晒喺外面嘅自助区，全部都可以任饮任食，就算系大胃王都必定会捧肚而回。
张贴
