品越越式料理 (遠東金融中心)

营业中

休息中

放假, 亦放晴! 唔去亲亲大自然, 还待何时?泊定架车系美利道停车场, 一路上山顶港督的秘密花园进发, 一来一回, 回到金钟午饭时段早已过。行过隔篱远东, 发觉地下转角位竟然有间品越, 坚好!一入内, 店员即时热情招呼。店内食客不多, 应我要求, 安排坐在最入窗口位, 要左杯水。叫左碟越式炒金边粉虽然系下午茶时段, 但份量不但大, 而且用料丰富! 俾个LIKE你!无特别交待少油, 但都一D都唔油, 炒到好干身, 可见厨师功力。香喷喷, 连伴碟都好用心。再来加钱叫左杯红豆冰唔太甜, 红豆唔孤寒, 再俾个LIKE你!静静地看著电子书, 侍应不时主动加水, 服务一流, 坐到唔想走。呢间已被列入2016年首间惊喜之食店, 无论环境, 食物以致服务都属上乘, 绝对会一来再来。出边个小公园不时有男男女女食烟, 香烟不是我的菜, 偶然有靓女入眼, 却不失风景一道。