影片
更多
2024-11-04
2221 浏览
今日晏昼又系放假嘅日子，同朋友去咗大围觅食。本身谂住去猫猫店度买嘢，兜咗个圈见到呢一间Cafe，佢个门面令人感觉好舒服，而且见到佢而家有下午茶餐。店员安排咗我哋坐楼上榻榻米嘅位置，空间好简洁，而又令人感觉好舒服。🪟羽衣甘蓝三文鱼子三文鱼沙律配意大利黑醋 $78佢嘅沙律有好多种唔同嘅沙律菜，面头洒上咗芝士粉同意大利黑醋，酸酸地咁样非常之开胃。而且加上三文鱼同三文鱼子，令到成个沙律更加有层次。🐟三重熔岩芝士烟肉吐司 $88见到呢一个吐司新出，感觉好似好吸引，而想到碟个样同我哋想像中一样，本身都担心个吐司会唔会好远好冇口感，但吐司有少少酥皮嘅感觉，配埋烟肉同炒蛋，味道好浓厚之余，口感亦都好丰富。🥪冬蟹三重奏茶渍丼 $168就嚟冬天系盛产蟹肉嘅季节，而佢呢一个茶渍饭有齐蟹膏、蟹籽、同埋长脚蟹肉，本身呢个配搭已经好吸引，加埋佢好香嘅玄米茶，成个饭好暖胃之余完全令人食到停唔到。🦀黑松露薯条 $58薯条方面味道就不过不失，加上黑松露酱嘅薯条都颇为香口，作为一个餐前小食，呢个选择相当唔错。🍟开心果特调（ice) $56本身已经好钟意食开心果嘅产品，见到佢呢个开心果特调梗系要试吓。佢呢个特条唔系平时普通
羽衣甘蓝三文鱼子三文鱼沙律配意大利黑醋 $78
佢嘅沙律有好多种唔同嘅沙律菜，面头洒上咗芝士粉同意大利黑醋，酸酸地咁样非常之开胃。而且加上三文鱼同三文鱼子，令到成个沙律更加有层次。🐟
三重熔岩芝士烟肉吐司 $88
见到呢一个吐司新出，感觉好似好吸引，而想到碟个样同我哋想像中一样，本身都担心个吐司会唔会好远好冇口感，但吐司有少少酥皮嘅感觉，配埋烟肉同炒蛋，味道好浓厚之余，口感亦都好丰富。🥪
冬蟹三重奏茶渍丼 $168
就嚟冬天系盛产蟹肉嘅季节，而佢呢一个茶渍饭有齐蟹膏、蟹籽、同埋长脚蟹肉，本身呢个配搭已经好吸引，加埋佢好香嘅玄米茶，成个饭好暖胃之余完全令人食到停唔到。🦀
黑松露薯条 $58
薯条方面味道就不过不失，加上黑松露酱嘅薯条都颇为香口，作为一个餐前小食，呢个选择相当唔错。🍟
开心果特调（ice) $56
本身已经好钟意食开心果嘅产品，见到佢呢个开心果特调梗系要试吓。佢呢个特条唔系平时普通咁样净系开心果加奶，佢加咗啲好似豆腐咁样嘅东西喺入边，而且仲每一啖都饮到佢嘅开心果碎，仲要杯边都有，用料非常丰富啊。🍵
泡沫咖啡 （hot) $38
咖啡方面佢嘅拉花都好出色，令到成个饮品变到好打卡able!💙☕️
冧酒提子巴斯克软心芝士蛋糕 $58
最后梗系要食一个蛋糕做结尾，佢呢个巴斯克蛋糕好香冧酒味，加埋浓郁嘅芝士，简直系完美嘅句号。🩵
张贴
