影片
更多
2016-04-17
3877 浏览
上次到访Cafe Charm's深水埗店食晚饭时，跟店主交流吓做甜品嘅心得，仲听佢讲迟啲红磡店会推出英式下午茶套餐，甜品嘢我就最啱架，所以，佢话到时多多支持 。揾个周末，又拉咗表姨甥女嚟，因为下午茶、甜品依家嘢佢又钟意。由于嚟嘅目的都喺为咗个英式下午茶，所以，主餐牌就唔使多睇，直接落单点一份下午茶套餐。可能真喺几多客人嚟都喺想试个英式下午茶，所以，唔单止目测所见，有成八、九乘满入座率，以星期六下午茶时段嚟讲，喺个不错嘅成绩 ，而且，确喺有唔少客目标同样喺对准个下午茶套餐。套餐包括7样食物，三甜四咸，样样都喺打孖两件，并配伯爵茶或英式红茶，每份$218+10%。餐牌见印住星期一至五供应，查实依家星期六、日都有，否则今次就摸门钉啦 ！究竟有无享用先后次序，餐厅就无建议喇，我觉得都喺随心就可以，不过，先咸后甜就比较大路啲。为方便写作，我就由下而上咁写，实际个品尝次序就当然唔喺咁！底层有黑松露什菌多士、烟三文鱼牛角包及迷你和牛汉堡。 黑松露什菌多士 满满嘅什菌，黑松露酱落得重手，配上烘得脆脆嘅法包，口感、味道俱备，让美味有个好开始。 烟三文鱼牛角包 牛角包话虽迷你版，但夹有沙律
由于嚟嘅目的都喺为咗个英式下午茶，所以，主餐牌就唔使多睇，直接落单点一份下午茶套餐。
可能真喺几多客人嚟都喺想试个英式下午茶，所以，唔单止目测所见，有成八、九乘满入座率，以星期六下午茶时段嚟讲，喺个不错嘅成绩 ，而且，确喺有唔少客目标同样喺对准个下午茶套餐。
套餐包括7样食物，三甜四咸，样样都喺打孖两件，并配伯爵茶或英式红茶，每份$218+10%。餐牌见印住星期一至五供应，查实依家星期六、日都有，否则今次就摸门钉啦 ！
究竟有无享用先后次序，餐厅就无建议喇，我觉得都喺随心就可以，不过，先咸后甜就比较大路啲。为方便写作，我就由下而上咁写，实际个品尝次序就当然唔喺咁！
底层有黑松露什菌多士、烟三文鱼牛角包及迷你和牛汉堡。
黑松露什菌多士 满满嘅什菌，黑松露酱落得重手，配上烘得脆脆嘅法包，口感、味道俱备，让美味有个好开始。
烟三文鱼牛角包 牛角包话虽迷你版，但夹有沙律菜及烟三文，一个人食晒一件都唔喺「湿碎」，然而，味道唔错，烟三文够油润，牛角包够酥香。
迷你和牛汉堡 有几迷你？拎上手比较就知，不过，都唔可一啖过KO佢，因为嚿和牛都唔细，而且，肉味几香浓，质感松软，之前睇过人家嘅食评都知和牛汉堡喺店方主打菜之一，做成迷你版都唔差。
中层喺小兔窝夫配红豆忌廉、朱古力咖啡挞及苹果酥。
小兔窝夫配红豆忌廉 餐牌上原先列明喺云呢拿奶冻，唔知喺卖晒定转咗款，改咗件做成兔仔形嘅小窝夫。因为视为甜点，未有即时食，所以窝夫嘅口感腍咗，但喺，涂上柔滑嘅忌廉及清甜嘅红豆，其实就几好食。
朱古力咖啡挞 依件甜点小弟觉得最好食，挞壳脆口，中间嘅朱古力咖啡酱做得幼滑细致，但就偏向朱古力味重啲，而挞面加粒脆腰果就多添一份脆口感。
苹果酥 原本餐牌话喺苹果酥，不过，食落我就觉得似香梨，因为味道比较清香。始终唔喺焗起热辣辣即食，打咗少少折扣，但本身件酥饼几酥香。
上层则只有英式提子松饼配草莓果酱。
英式提子松饼 分享到最后嘅英式松饼，单单只配草莓果酱，但啲果酱店员话自家制，食落唔会太甜，而且，朕士多啤梨味嚟得感觉天然；松饼质感烘得几好，唔太干身，不过，表姨甥女话干咗啲，所以，口味嘅嘢真喺人人不同。
伯爵茶 热茶喺以整壶上，供二人用，茶包采用Twinings品牌，至少冲到3壶，而到第4转先明显转淡。伯爵茶香，配上咸甜点皆宜，不过，如果可以俾客人拣其他饮品，如咖啡或花果茶，就算需要补钱，都叫做有多啲弹性，因为，确实有啲客钟爱咖啡多过茶 。
今次又完成咗一次美味大搜查，同表姨甥女彼此闲话家常，过咗个悠闲下午。生活成日匆匆赶赶，间唔时停低吓，叹杯茶，食件饼，扮扮慢活，喺生活中嘅调剂 。
张贴
