Classified (交易廣場) (已結業)

平时好少同朋友去中环食饭，唔系咁知道中环有啲咩餐厅系好味又抵食，所以上网揾咗好耐先揾到一间试下。同朋友大概两点去到餐厅，可能因为过咗lunch Time，餐厅入面唔算太多人，唔洗等位就可以入座。我哋四个人带咗一份细地中海式番茄焗鸡蛋、传统番茄芝士薄饼同埋一个四重芝士通心粉。原先仲想叫多一个黑松露野菌意大利饭，但系已经卖晒。传统蕃茄芝士薄饼上面嘅番茄酸酸甜甜又有芝士香，薄饼批底比较薄身但又有小小面包嘅烟韧感，所以都唔错。而地中海式蕃茄焗鸡蛋用热嘅小pan装住，仲有啲包伴碟。鸡蛋系咪完全熟晒但只要开同下面嘅蕃茄汁捞匀佢就会慢慢有半熟嘅状态，捞完之后就好似蕃茄蛋花汁，放少少喺面包上面食感觉就冇咁湿，而且个包亦都可以吸收少少番茄汁嘅香味。虽然鸡蛋未熟晒会好容易有漏嘅感觉，但系因为番茄入面加咗香草一齐煮，所以有清新嘅感觉。四重芝士通粉初头望落好似好细份，但系佢都有一定嘅厚度，而且再加上佢有四种唔同嘅芝士独有味道，令到个通心粉散发出香味，不过如果食唔惯芝士嘅朋友就会觉得呢个通心粉会好漏。总括而言， 餐厅食物都唔错，而且环境轻松，可以慢慢坐低食同倾计。