餃餃餃子 (已結業)

今日有事要去入境处，搞掂都一点，要来个quick lunch。醒起喜帖街附近开咗呢间日式饺子店，之前未有机会，一于试吓。去到门口都有五六人等位，不过我自己一个，即刻有位。叫咗lunch set，16只饺子配牛筋豆腐煮（跟白饭）。饺子味道几好，个底脆口。饺皮厚度适中，不过只只黏著一齐，分开时好易整散。牛筋豆腐煮微辣，几开胃。小店人手唔多，午市多客，服务都ok。个铺唔大，不过坐落唔逼。埋单$90，湾仔区，唔算贵但又讲唔上抵食。前后食咗30分钟，名符其实quick lunch。