和幸吧 (已結業)

过百蚊食个Lunch叫唔叫抵呢?! 起码我唔会餐餐食到过百，偶然一次试下就无妨。今次同几个同事上左和幸，试左个 $138 Lunch，其实系一1.5小时半自助餐Lunch。点样一半法?? 即系一半食物系只上一次，另外一半系任食。讲左食一次先︰有蟹籽沙律、帆立贝、奶冻、面豉汤。个帆立贝会用块大贝壳装住，不过唔系本身块壳，要连壳一齐烧，因为佢有D牛油同清酒汁，除非你净系想烧粒帆立贝。食落又几好味，食唔出有雪味，同埋牛油味劲过酒味。另一半任食︰乳饲牛小排、黑豚五花肉、鸭胸肉、鸡肉、鸡翼、栗米、南瓜片。牛小排OK滑，加上佢薄切，虽然未至于入口即溶，不过真系滑住入口，我追加左1次。但系数最得，反而系 黑豚五花肉，因为烧得好香，同埋烧起黎几有难度，烧得太耐会变猪肉干，好似劲硬烟肉咁，相反可以好好食。另外鸡翼都系唔错，细细只好易搞，入面个肉好滑，就算个皮烧得太干，入面都仲系OK。