影片
更多
2014-07-31
2982 浏览
以前成日揾Semi-buffet去食位于铜锣湾珀丽酒店既星域其实是list中之一但一直冇去试今次系谂唔到食咩好既时间突然脑海浮现了它的名字那好吧就这间试下姐:^)Semi-buffet Lunch Menu由$148+10%起Salad Bar同Dessert Bar都系buffet形式任食既仲有几款普通饮品可以任饮:^)另外就会有个主菜，如果要安格斯肉眼则要多付几十元了虽说当日系平日，但都几多客同埋餐厅似乎唔系好多位要试既话我谂最好订位，又可以订靠窗卡位，落地玻璃几好view:^)我地walk-in就冇得咁要求，因为而且full哂窗口位Salad Bar三文鱼刺身唔好期望好高质素，都系切哂一大碟拎出黎冰镇既讲真刀工就……真系一般啦，但佢都算系厚切油香不算重，感觉亦不腻，至少佢冇腥味，有淡淡三文鱼香都冇咩筋位，肉稔得黎有嚼劲，唔会话系好霉果种，色泽都系合格既橙红菠萝火腿沙律讲真呢个系我呢餐最中意既沙律xddd菠萝十分juicy，味道自然，唔系糖水罐头感觉甜中带酸，令人觉得好新鲜好开胃火腿系薄片果种，但味道不会太浓烈，没有破坏清爽印象杂菜沙律有好多种蔬菜，如青瓜、红腰豆、栗米等没有太多调
位于铜锣湾珀丽酒店既星域其实是list中之一
但一直冇去试
今次系谂唔到食咩好既时间突然脑海浮现了它的名字
那好吧就这间试下姐:^)
Semi-buffet Lunch Menu由$148+10%起Salad Bar同Dessert Bar都系buffet形式任食既
仲有几款普通饮品可以任饮:^)
另外就会有个主菜，如果要安格斯肉眼则要多付几十元了
虽说当日系平日，但都几多客
同埋餐厅似乎唔系好多位
要试既话我谂最好订位，又可以订靠窗卡位，落地玻璃几好view:^)
我地walk-in就冇得咁要求，因为而且full哂窗口位
Salad Bar
三文鱼刺身唔好期望好高质素，都系切哂一大碟拎出黎冰镇既
讲真刀工就……真系一般啦，但佢都算系厚切
油香不算重，感觉亦不腻，至少佢冇腥味，有淡淡三文鱼香
都冇咩筋位，肉稔得黎有嚼劲，唔会话系好霉果种，色泽都系合格既橙红
菠萝火腿沙律
讲真呢个系我呢餐最中意既沙律xddd
菠萝十分juicy，味道自然，唔系糖水罐头感觉
甜中带酸，令人觉得好新鲜好开胃
火腿系薄片果种，但味道不会太浓烈，没有破坏清爽印象
杂菜沙律
有好多种蔬菜，如青瓜、红腰豆、栗米等
没有太多调味，主要靠蔬菜既原味，反而更是清新
青瓜好爽口，食落又多水分，解腻一流
蕃茄沙律
酸甜清爽，蕃茄好多汁，微冻食左几开胃
佢其实真系净蕃茄咁唔会有芝士等等，食落好清
西兰花忌廉汤佢地整得算系浓稠，可能会有点腻滞感
西兰花味带清香，会见到汤入面都好多西兰花碎
汤味偏浓，几creamy，但忌廉香不重
猪肉烧卖
其实呢样野会出现都系几神奇既事XDDD
烧卖外皮也许有点湿润破裂了
馅料都好足，食落香口又唔会太油腻，实身并非填粉呃称既，调味亦刚刚好
估计系外面交货？怎样都好，我觉得选货拣得ok啰xdddd
花生鸡脚汤
呢个真系几神奇，呢个汤好少系semi-buffet会出现XD
花生香气浓郁，加上鸡脚既少少鲜味，饮落几自然足料唔人工
不过都系有d油，同埋味浓而集中，都系浅尝辄止
Main Course
香煎龙脷柳配芒果沙沙卖相都几正常既，感觉唔会好突兀
龙脷柳煎得好熟，鱼香颇鲜，冇雪藏味及腥味
肉质偏老但不干不柴，入口弹牙爽口，外层更是有少少焦脆感
调味得宜没有盖过鱼味，如果可以煎得嫩滑香口则更理想
芒果沙沙清新带酸甜味，因为系稀身既，唔会太稠太腻滞
鲜香仲有果香味，与煎鱼同食解腻之余又带出另一味道层次
碳烧牛柳配烧蒜汁牛柳叫左七成熟，容易切开之余又不韧口
轻轻一压已是肉汁满溢，没有血腥味，反之是浓浓既牛肉香气
外表带重焦香，没有太多苦焦味，却是能锁住肉汁，保持牛柳湿润度
外层既肉烧熟，干身但不老柴，易咬易食
内层带粉红色，肉汁丰润肉香浓郁，都冇筋位唔会黏牙
蒜汁有轻轻蒜香，没有呛感，味浓但份量得宜不会过了头
薯蓉香滑可口，细致不腻带点奶香
置于牛柳之下吸收肉汁后更是惹味
Dessert Bar
面包布甸面包香脆带焦香，有少少嚼口是可以的
可惜佢布甸部分过老，干身得似煎全熟蛋
而且又有好多大气泡，食落好粗糙，没有细致嫩滑的感觉
云尼拿汁甜得黎有少少云尼拿香味，但偏人工香油味
顺带一提系当日云尼拿汁沽清都冇职员去添补……
仲要布甸系咁干身既……教客人如何吃？
朱古力慕丝蛋糕
一睇个样以为系伏，但点都想试下先下定论
岂知佢既mousse部分系细滑嫩口，重点系甜中带苦香
配上表面既朱古力浆，朱古力味甚是香浓，腻感不大
整体系出乎意料既正常，亦没有人工药水怪味:^)
芝士蛋糕
芝士味不重，带柠檬香味，感觉好creamy
蛋糕底觉得在我角度不讨好，我都系偏好饼底
佢既蛋糕底……唔知点解我觉得好旧底街坊饼店咁……
但家人又几中意食（？），原因不明不过我就transfer埋俾佢啦XD
合桃露冻食既，系dessert bar任斟
合桃香气算浓，味道够自然，细致冇粉粒
甜度不高，但几浓稠，感觉有点油腻
新鲜水果唔知一开始系有d咩拣，因为去到都已经系人地食左一半既时间
但我几中意佢有新鲜菠萝，味道清新爽甜，多水分好啱现时炎炎夏日清新开下胃
雪糕有两款味：咖啡及草莓
唔多见酒店会用Pappagallo雪糕
咖啡味偏甜，香气颇浓，奶香细滑，感觉不错
草莓味更佳，食落有草莓籽，清新香甜，仲有少少果酸味，十分自然
系雪糕柜侧摆放左几款配料，杏仁片谷物片等任加
饮品佢有两款果汁同埋咖啡红茶等任饮
果汁酸酸甜甜几开胃，有果肉，成个感觉系好天然咁xd不会过甜
咖啡果d基本款唔多讲，奶系热住既，冲落咖啡红茶唔会咁易结块及影响温度
张贴
