南小館 (已結業)

葵芳新都会装修之后多左好多新餐厅，南小馆都系呢度开左分店。不过佢唔同分店既质素真系争好远，好似hysan个间就唔错，而以前朗豪坊分店真系十分麻麻，所以今次食晏就黎试下新都会呢度啦。- 炸银丝卷新鲜热辣炸起，点埋炼奶就一定好食。- 金锅生煎锅贴呢度既锅贴有汤汁架，外脆内软，几好食，不过小心荡口。- 风沙小黄鱼虽然佢炸到外表好香脆，入面既肉都唔算太干。不过佢一叫就两条，要多几个人黎先食到。- 荠菜炒年糕呢个炒年糕清清地几好食，唔会好似上海炒年糕咁咸。但其实荠菜系咩？食完成个咀同牙都痴满佢，好顽强，见客前唔好食啦。 😂😂- 大良炒饭最后呢个炒饭好圆满，佢用左咸蛋黄同虾仁去炒，咸咸地又好香，粒粒分明唔会太油。其实以连锁店黎讲，南小馆既质素真系唔错啦。葵芳店都算几大，等位应该唔难，得闲可以再黎。