阿肥火鍋 (已結業)

第四波疫情终于差唔多宣布结束，连续两日零确诊，终于可以放下心头大石，晏昼同同事出去食下饭， Chill番一下。阿肥火锅，顾名思义，是一间火锅小馆，环境非常典雅优美，装修以怀旧八十年代香港公共房屋风格为设计蓝本，能够坐喺十大武器之首之一的折凳上面食嘢，可能会谂起山鸡，别有一番风味。此外，中午都会做碟头午市套餐，价钱相宜，座位距离间隔宽阔，出行安心。泰式无骨海南鸡饭$52，鸡皮薄滑，鸡肉肉质不会嚡口，而且入口微香带甘甜，以此价位来说，不过不失之余，还有一点喜出望外呢！限时精选咸鱼蒸肉饼饭$58，分量充足，肉饼明显花咗时间用心剁装，咬口软绵绵，入口松化，送饭一流。泰式凤爪$58，酸酸甜甜，啱晒而家嘅季节，够晒开胃，钟意食辣嘅朋友一定要叫。老板好好人，推介我哋饮夏枯草，即日喺舖头自家制，冇味精，糖分微甜，啱晒健康一族。