翔龍拉麵小籠包 (已結業)

每日路过亚太商业中心，见呢到越开越多食肆，中、西、日、韩式式俱备，好饮好食嘅我点可以唔去踩吓场，今次拣咗翔龙拉面小笼包。撞正午饭，枱枱坐满，唯有同个friend喺门口等一阵。好彩唔使十分钟，已经有得入座。午市时间，有一点一面套餐同客饭套餐两大类选择，我哋就决定每边拣一款，试试口味。先上枱系担担面加小笼包。担担面啲汤唔够浓郁唔够花生香，不过味道都算可口，面又够爽，合格。小笼包梗系要趁热食，皮薄多汤汁，不俗。客饭拣咗糖醋鱼块，先嚟一碗细细嘅酸辣汤，够酸唔够辣。糖醋鱼块酸酸甜甜好送饭，鱼块炸浆唔算太厚，D鱼都算滑，我最喜欢嘅反而系呢碗细细嘅菜饭，虽然迟咗小小上枱，但热辣辣整出嚟，有诚意。加多5蚊，追加杯豆浆。整体而言，不过不失，午饭每人七十蚊左右。下次再拣另一间试试！😜