影片
更多
2017-12-13
546 浏览
早前同个旧同学到兰桂芳嘅FUMI食晏，先知原来佢喺日菜嘅粉丝，对日菜可谓情有独钟，无论刺身、寿司、烧肉、串烧、涮涮锅……等等都无任欢迎。反而，天妇罗就比较少食，原因不外乎较「热气」，但做得好嘅天妇罗可以唔点热热，最近，食友就推介我位处威灵顿街一食厦之上嘅「泷」（Tempura Taki），做天妇罗够专门，亦甚有水准，故再次约旧同学聚一聚。不过，「泷」晚市主要做厨师发板，定价唔便宜，所以，推介我哋嚟食晏，以质素而言，性价比高。门面有啲高傲嘅感觉，推门而入，装修亦非走和风嘅木系暖色，反而，格局摩登，走高格调嘅色系。最抢眼莫过于入门口靠墙嘅巨龙彩绘，栩栩如生！吧枱喺抢手位，因为，可以欣赏到师傅做菜。而安坐后，第一时间送上热毛巾，递上餐牌让客人慢慢点菜。午市以定食为主，大部分基本都已包冷钵、先付、前菜、渍物、味噌汤、甜品，部份就再加入刺身，定价都喺二百头到三百尾。呢度主打喺天妇罗，所以，旧同学就晌呢版拣咗特上天妇罗御饍。仲有一款午市套餐喺小弟嘅抵食推介，称为午市特选二重奏，晌12款饭、乌冬、荞麦面……等任拣其中两款，同样，都包冷钵、先付、前菜、渍物、味噌汤、甜品，定价只喺$198。初时，心想任
不过，「泷」晚市主要做厨师发板，定价唔便宜，所以，推介我哋嚟食晏，以质素而言，性价比高。门面有啲高傲嘅感觉，推门而入，装修亦非走和风嘅木系暖色，反而，格局摩登，走高格调嘅色系。最抢眼莫过于入门口靠墙嘅巨龙彩绘，栩栩如生！
吧枱喺抢手位，因为，可以欣赏到师傅做菜。而安坐后，第一时间送上热毛巾，递上餐牌让客人慢慢点菜。
午市以定食为主，大部分基本都已包冷钵、先付、前菜、渍物、味噌汤、甜品，部份就再加入刺身，定价都喺二百头到三百尾。呢度主打喺天妇罗，所以，旧同学就晌呢版拣咗特上天妇罗御饍。
仲有一款午市套餐喺小弟嘅抵食推介，称为午市特选二重奏，晌12款饭、乌冬、荞麦面……等任拣其中两款，同样，都包冷钵、先付、前菜、渍物、味噌汤、甜品，定价只喺$198。初时，心想任拣两样，应该会喺迷你版，点知跟一般嘅丼饭细唔得几多，可以喺两个女生都够食嘅份量，所以，先真心觉得抵。
特上天妇罗御饍 $298虽然以定食形式奉上，但天妇罗部份喺由师傅逐件炸起逐件上，所以，坐晌吧位喺必然嘅，就算喺定食，都添多一份优越感。由于天妇罗大部分都喺得一件，故味道要问番佢觉得点，小弟就只有影相留记录。
刺身冷钵、先付、前菜……等等容后再分享，而跟我嘅定食比较，就喺多咗一份刺身，有吞拿鱼赤身、甜虾及带子，同学话啲刺身好鲜甜，尤其吞拿，唔会有种冰雪感，甜得有点黏黏滑滑，但虾味浓，带子厚肉得嚟更喺爽到不得了，就连啲日式芥末都喺鲜磨货色。
海藻盐、咖喱盐、柠檬汁、萝卜蓉正所谓工欲善其事，必先利其器，未落到天妇罗主题，先介绍其佐料。比一般海盐，海藻盐固然更加健康，咖喱盐则比较少遇见，而柠檬汁确有提鲜鲜腻之效，而萝卜蓉如果唔喺店员解释，真喺唔知咁有来头，分别用上九州及静冈两地嘅萝卜磨蓉，你话我心理作祟都好，感觉宁舍水润清甜，而啲萝卜蓉喺当「小食」就咁食用，作用喺解热，故店方会无限量为你添加！
天妇罗车海老先上场喺最常出现嘅海老，即喺大虾，师傅话初秋喺「车海老」盛产期，肉鲜且爽，洒点盐，鲜虾味更突出，再者，炸功了得，唔单止粉浆又薄又脆，如披上薄薄金黄外衣，彷佛一滴油感都无。而车海老因外壳有一圈圈黑纹，好似车呔咁，所以叫「车海老」，不过去壳沾粉浆后就变得「呔纹」唔明显。此外，虾头都咪错过，因为已经炸至酥脆，沾咖喱盐更香口惹味。
天妇罗濑尿虾（左）、木𩾌鱼（右）再嚟嘅喺濑尿虾，唔使自己揾手拆壳，当然食得够爽，虾肉有弹性，食味唔错。而木𩾌鱼（希望无听错），细细尾一条，唔知真身喺点，外皮香脆，肉质柔软，有点点油香，鱼味比较浓。
天妇罗日本红衫鱼（左）、马头鱼（右）日本红衫，师傅话已加咗少少红梅酱，所以，咩都唔使点可以入口，啲鱼肉超嫩滑，喺今日咁多款鱼中最滑嘅一种。马头鱼其实都滑溜，只喺跟红衫比就有些微比下去嘅感觉，而外型带点鳞片状，鱼味不俗。
天妇罗野菜最后一轮嘅天妇罗喺野菜，分别有珍珠笋、冬菇、青椒，珍珠笋出奇地咁爽脆，冬菇、青椒好食得出食材嘅原味，可见简单嘅野菜都喺用上有质素嘅靓料。
午市特选二重奏：北海道松叶蟹肉蟹饭配三文鱼籽、天妇罗什菜虾饼饭 $198成份定食捧到上枱，份量真喺唔讲得少，两大碗丼，饭量十足，真喺有少少后悔点咗两个都喺饭，其中一碗要荞麦面会唔会轻盈番啲呢，哈哈！不过咁，小弟钟意食蟹却唔钟意拆蟹肉，所以，松叶蟹肉饭喺稳胆，而呢度以天妇罗出名，我都梗喺要试啦，故此，就拣二重奏里面有天妇罗成份嘅丼饭。
午市特选二重奏
$198
20 浏览
0 赞好
0 留言
前者小杯内有两款喺凉拌时蔬:冬菇丝及黄牙白，无乜太多腌料或酱油，所以，味道比较清淡；后者喺几片腌昆布，即喺海带，相对味浓，亦有啲偏咸。
先付一小碟摆得颇精致，白色嘅以为喺豆腐，咬落又好似唔多似，再咬耐啲，内里充满水份，似喺我哋打边炉解咗冻嘅蜂巢豆腐，口感过瘾；另一件批得好靓嘅喺芋头嚟，粉糯有芋香。
前菜仲有一小碗薯仔沙律，店员无特别介绍，相信唔会大有卖点，不过，个人认为做得唔错，个蛋黄酱几香，薯仔够粉又有薯味，口感又无话太干。
天妇罗什菜虾饼饭趁热先食个什菜虾饼饭，整件什菜虾饼饭大细啱啱好冚过碗面，睇样都见到有唔少野菜同虾肉，夹起一炷试试，一咬「咔擦声」脆口到不得了，而且，真喺完全无油腻感；饭粒食落有米香，兼且口感软糯，扒饭都扒得比平时快，而且，两碗饭都比预期大碗，真喺食得我好饱。
天妇罗什菜虾饼饭
28 浏览
0 赞好
0 留言
有留意小弟食评，就见到我食亲海鲜丼都拣蟹丼为首选，上文都解释过原由。之前晌「豊洲水产海鲜丼専门店」食过嘅北海道响螺松叶蟹甜虾丼，美味感仲「沥沥在目」，虽然，呢次嘅蟹丼只单单有松叶蟹肉，无蟹棒及蟹膏，但一碗面都铺满鲜拆蟹肉，绝无欺场，加上晶莹剔透嘅三文鱼籽，抢眼突出。丝丝蟹肉极为鲜甜，三文鱼籽味带咸鲜，两者拌饭同食，一流呀！
北海道松叶蟹肉蟹饭配三文鱼籽
30 浏览
0 赞好
0 留言
最后先饮番几啖汤，面豉味浓，食完两个饭，再饮点汤，暖意下肚，感觉舒服晒。
朱古力慕丝蛋糕甜品喺西式嘅慕丝蛋糕，当然，小弟就想喺以和果子作结啦！然而，件蛋糕都做得有水准，朱古力味浓，口感柔滑，伴以自家制蛋黄酱，富蛋香（个人觉得唔落都问题不大），消化饼底再做多薄少少就完美喇！
作为一间中高档日本餐厅，佢哋嘅服务水平做得好熨贴，添茶就唔在讲，上菜时会细意解释一下，唔使要求都会自动加添萝卜蓉，就连同学食完天妇罗车海老后，留下一小截虾尾，店员都专登帮佢换只新碟，一切客人都会睇在眼里，让人感受到餐厅嘅「泷」情厚意。
张贴
