牛陣 (已結業)

移师官塘上班，要重新揾食晏好去处，第一站就系公司附近嘅蒲点APM，当中依间食肆都系比较有特式嘅一间。首先午市食日式火㶽嘅已经唔多见，而且价钱都算相宜。午市有四款套餐，全部都系五、六十蚊，而且配菜系自助任食，当中嘅选择都唔少，如冬菇、金菇、乌冬、冬瓜等等。佢哋个汤底比较清，用电炉好快就会滚，酱汁只有豉油同花生酱，相对来说比较少选择，而且个人觉得佢哋个酱油调得比较酸，唔太啱本虫口味。如果食饱之后仲有时间，可以再攞雪糕食，虽然系平价货，但都有三只味拣，几十蚊有咁多嘢食加上地方宽敞，对上班族嚟讲都算系几唔错。