牛涮鍋もっと (已結業)

午市放题！因为晚市无得打边炉，所以就唯有中午食过过瘾，麻辣汤底超正！叫左美州牛胸腹放题，开头第一次佢拎上嚟嘅牛肉鸡肉同猪肉质素都比较高～牛肉味重有牛味，质地都几好，唔会鞋同韧。之后再点就觉得牛味冇第一盘咁重～佢另外有啲套餐系$70到，但系就只有一盘肉，唔系肉任点，补多少少钱有任食当然更加好啦！呢一间嘢饮方面最钟意就系梳打水一半再加一半果汁，冇咁甜得来又清爽健康！蔬菜选择都多，但系比较常见嘅丸类就好少，猪肉丸、海胆丸个啲都无，大概五款到～午市来讲呢一个价钱同食物质素都唔错，都冇乜嘢要求，如果可以有更加多其他小食选择就更加好啦！