新曼谷泰國菜館

营业中

休息中

系湾仔番工已经有一段时间，唔系食港式野就西式野，终于要突破框框，难得同其他部门同事食饭，所以佢地带我去食泰国菜，位于轩尼诗道嘅新曼谷泰国餐馆。同事介绍话唔贵之余，质素都唔差咖。 是日可能落雨，唔算太多人。但听闻楼上有雅座，所以其实都无须担心会无位坐。睇睇个餐牌，以泰国菜加呢个地段，果然价钱唔算贵，而且仲送一杯饮品，其实仲好化算添。最后，系海南鸡饭同金边粉之间挣扎，优先试咗海南鸡饭先啦！我谂大概等咗五至七分钟，我地嘅海南鸡饭陆续到，饭同鸡整体感觉唔错，唯独执边啲配菜令人感觉有点不安。试下个海南鸡，已经去骨十分贴心，幸运地得到鸡脾嘅部位，所以入口嫩滑无可挑剔。海南鸡点蘸埋个泰式酸辣汁，再同埋饭一齐食，真系好开胃。整体鸡、饭、酱汁中规中矩，但配菜果然系唯一败北嘅地方，除咗无味，入口有种生生嘅口感，真系宁愿无配菜。其实跟餐仲附送咗一碗葱花鸡汤，但口味方面，我觉得有点太浓，所以没有多饮。但同事有好好饮哂碗汤，佢觉得仲几好饮，因此每人口味各有不同。总结，夏天难免胃口差，泰国菜既酸又辣就岩哂，立刻食欲大开。所以呢到价钱唔贵，其实都系一个几好嘅放饭饭堂。绝对有机会试埋个金边粉。