陳勤記鹵鵝飯店 (已結業)

近期工作多出入上环，与相熟客户闲聊问及有乜美食推介？谂都唔使谂就即答米芝莲卤水鹅饭。有米芝莲几个字已经有一定保证，去到见门外菜牌午餐价钱较大众午餐定价略高，但未至于令人却步。自己叫咗份卤水鹅饭，同事就叫左个精选卤水三拼饭。卤水鹅入口即知果然不负连续 9年米芝莲推介，鹅肉嫩、冇腥味不在话下，卤水味道入味但唔会太咸太浓；与同事交换分享嘅卤水豆腐及猪颈肉同样做到卤水味及肉味平衡得刚刚好；花椒、八角等卤水必备的浓浓香料又唔会抢去酱油或其他食材味道。匆匆食完一个午餐 其实又怎能认真细尝七十余年老的字号混入桂皮、玫瑰露、高梁及鱼露等等多种材料所泡剂 的卤水滋味，下次一于带多啲朋友或者屋企人嚟呢度食个晚饭慢慢品尝吓卤水鹅及其他美味。