影片
更多
2005-12-01
5 浏览
见大家评级都唔错，又近公司，所以点都要试一试，如果好的话第日食饭又多个选择。午饭时间真系好多人，好在友人已等定位叫定嘢，不过门外不停有人等，阿姐执嘢手脚都好快，执枱快手，犀利。两个人，叫了：1.炸酱＋腐皮＋竹笙米线＄２３2.炸酱＋鱼腐＋鸡肉米线＄２３3.香草＋麻辣鸡翼各３只＄１８另各送豆浆１杯碗米线好大碗，两碗都系少少辣，系有少少辣嘅，不过又唔系好饮得出汤底有咩太特别之处，但系都饮倒有少少胡椒味。炸酱真系好味，甜甜地又有咬口，份量又多，我就唔钟意捞埋落啲汤度，我觉得直接「送」米线好味啲，另外腐皮份量亦很多，不错，但系竹笙就略嫌少喇，仲要大小不一，有啲「碎婶婶」的感觉，唔系好觉自己食咗竹笙。另一碗米线除了炸酱外，其他材料只是一般而已，我试了鱼腐，觉得咸了点同埋觉得「削削地」。鸡翼很新鲜，换个形容词即是很热气，哈哈！鸡翼系即叫即整的，碗米线食咗一半先上枱。总觉得两款味没有多大分别，两款都不觉得辣哦！不过麻辣那款好似较入味少少，但两者一样都系同样香口，大小方面亦可接受，唔系真系好细只。但系都系觉得谭仔的做得较香较滑，可能谭仔嬴的真是大只吧！几欣赏佢送豆浆，有杯冻饮「送」米线真系一流。见唔少人
午饭时间真系好多人，好在友人已等定位叫定嘢，不过门外不停有人等，阿姐执嘢手脚都好快，执枱快手，犀利。
两个人，叫了：
1.炸酱＋腐皮＋竹笙米线＄２３
2.炸酱＋鱼腐＋鸡肉米线＄２３
3.香草＋麻辣鸡翼各３只＄１８
另各送豆浆１杯
碗米线好大碗，两碗都系少少辣，系有少少辣嘅，不过又唔系好饮得出汤底有咩太特别之处，但系都饮倒有少少胡椒味。
炸酱真系好味，甜甜地又有咬口，份量又多，我就唔钟意捞埋落啲汤度，我觉得直接「送」米线好味啲，另外腐皮份量亦很多，不错，但系竹笙就略嫌少喇，仲要大小不一，有啲「碎婶婶」的感觉，唔系好觉自己食咗竹笙。
另一碗米线除了炸酱外，其他材料只是一般而已，我试了鱼腐，觉得咸了点同埋觉得「削削地」。
鸡翼很新鲜，换个形容词即是很热气，哈哈！鸡翼系即叫即整的，碗米线食咗一半先上枱。总觉得两款味没有多大分别，两款都不觉得辣哦！不过麻辣那款好似较入味少少，但两者一样都系同样香口，大小方面亦可接受，唔系真系好细只。但系都系觉得谭仔的做得较香较滑，可能谭仔嬴的真是大只吧！
几欣赏佢送豆浆，有杯冻饮「送」米线真系一流。见唔少人都叫酸菜，下次一定要试下先得。不过通常都系一个人食饭，人又咁多，我谂都系买外卖会好啲。
张贴