前門飯莊 (已結業)

几钟意嚟前门饭庄食午市套餐，一个人都可以有几样嘢食。套餐有一碗老火汤，今日呢个完全唔知系乜嘢，一啲汤渣都冇前菜有两个，一个系自选嘅，我拣咗夫妻肺片，唔会好辣，但系好惹味。另一个系睇佢𠮶日送乜嘢，今日呢个应该系萝卜，但系唔系腌酸萝卜，咸咸地，又有啲清甜，第一下唔觉得好食，但最后都成碟食晒。主菜拣咗红烧狮子头，上菜个样都几衰，啲白菜淹没左个狮子头，点解最后一步都唔做好佢呢？味道系好食嘅，冬菇有冬菇味，竹笋冇怪味，狮子头唔会太软太硬，有肉味，整体偏咸少少，送饭一流。四宝茶要$5茶钱。埋单连加一$84.7，环境舒适，座位舒服好错，感觉良好。