饗一品 (瀝源廣場) (已結業)

呢间装修改名前已不时同同事来食lunch，间铺唔同咗样但嘢食同以前冇乜唔同，五十几蚊个日式饭包热饮尚算亲民。今日食$62牛肉寿喜锅，有齐牛肉、小棠菜、娃娃菜、豆腐、冬菇、鱼饼、生鸡蛋、粗粉丝，其实系几抵食。咁嘅价钱唔好期望啲牛肉会点靓，但整体来讲唔算太差。不过隔离女同事𠮶锅就成嚿菜头摆咗入去，唔知点食顺带一提呢间嘢出菜嘅时间好飘忽，呢个寿喜锅我试过等大半个钟先出嚟，赶住返工架大佬！但今日就唔洗五分钟就有。有同事叫照烧鸡扒饭，反而等咗20分钟。