江南庭敘 (已結業)

平时打边炉都系夜晚多，喺OpenRice book有六八折，鸳鸯锅有半价，忍唔住午饭都要嚟过打边炉！嚟过江南庭叙有十次八次，粥粉面饭嘅水准一路保持得好好，之前都试过一次喺度打边炉，已经觉得佢嘅用料新鲜，手工精致，刀法凌厉，有口感，有鲜味，食完唔会好口渴，今次有优惠，食得更加畅快，地方环境整洁舒适，服务亦都唔错，餐厅里面嘅厕所维修紧，要行多两步出返去用大厦嘅厕所，不过都唔系太大问题，另外刚开始嘅时候有少少阻滞，就系个鸳鸯锅等咗好耐先至滚，唔知系个电磁炉唔够力，抑或系煲汤太大，差唔多由头开始煲，其实可以喺厨房揾个劲啲嘅火炉煲到六七成热，先至放上枱，就唔使等到颈都长啰😆。整体上好满足，啱啱喺OpenRice又make左另外一个booking啰🤗，到时再烚过！