海天花園酒家

营业中

休息中

今次系响疫症下限制4人食饭，返工食饭时段去海天同两个同事饮茶，可以去到海天饮茶都几开心架，因为好耐之前食过，都觉得景又好、野食又唔错，都几钟意食，最紧要系食得出新鲜我地都叫左好多碟，包括有竹炭小笼包(其实特别系个外表黑色，不过都做到汤包效果)、竹炭流心奶黄包(味道唔错，最开心系做到流心效果，因为有d酒楼送到上台时，其实已经无左流心，只系得个蛋黄响入面)、棉花鸡(又一足料之选，系有好多鱼肚架，仲有配埋冬虫草)、露笋鱼腐卷(唔系好记得个名)、排骨肠粉、紫菜虾卷、素粉果、XO酱煎萝卜糕、凤爪、上汤浸时蔬、黑松露菇包(个外样做得好有趣，好似冬菇个外皮，食落味道好丰富又足料)，大约好似系叫左咁多，我都唔系太记得，因为一黎到都系挂住食，无逐样逐样影相系简单影左个合照，除左系肚饿关系，仲因为每款野食都好大份，我地3个人都食唔洒，仲要系超级满足呀