Beerliner German Bar & Restaurant (已結業)

午餐买一送一，哈根大师雪糕球任食，店方规定每人必须要叫一个餐。人多嚟食，咸猪手系不二选，胜在大只、皮脆、肉唔干，非常惹味；香肠拼盘集齐四式风味，搭一件超厚「午餐肉」。密集式食咁多肉，好快滞，全靠拼盘的酸椰菜恢复胃口，可惜薯蓉欠薯味兼较干，钟意食 creamy 版多d。烟鸡及樱桃番茄脆薄饼，拎一块上手，见证芝士丝系咁样拉成。咬一啖，又脆又薄，馅料丰富，芝士味唔太浓，酱汁系 BBQ sauce，汁的份量刚好，鲜番茄放多 d 就好喇。早喺落咗单后，已急急脚去冰柜揾哈根大师，有士多啤梨、云尼拿同朱古力三只味，留意返唔系供应雪糕杯，系要自己用雪糕勺滗雪糕。食过两球，行去沙律枱攞菜，清埋主菜，再追加四球雪球。揾日试吓由十二点食到两点半，可以食到几多球呢？以前餐饮系咖啡或茶，而家改为肥仔水或果汁，菠萝冰唔死甜，够大杯。沙律由派餐变成自助形式，减少浪费，希望做埋冻饮走饮筒就更好。最抵赞系增加咗雪糕勺的数目，唔使大家排长龙呆等。