美心香港地 (已結業)

美心香港地是我最常去的茶餐厅,最爱(煎蛋豉椒窝蛋免治牛肉饭炒底$54)份量愈来愈少,但味道依旧好味。(陈皮鸭腿汤饭)唔系成日有,但有得叫我一定食,陈皮可理气健脾,化痰,前排无乜胃口,到食饭时间都唔想食野,食少少就够,胸闷腹胀,饱饱滞滞,中医师叫我平日可剪细块陈皮焗水饮,主治脾胃气滞,消化不良,当然也有人不适合常常饮用,加埋醒脾开胃既芫茜,呢个星期都成日天灰灰,阴天落雨,可能会令人食欲唔好,所以呢个汤饭一流呀!新出左个下午茶大三元•中•发•白•套餐,主食$38-48+小食+饮品或甜品(可加钱升级转特饮)*香港地公司三文治配脆薯条$45+冻柠茶$4,有生菜蕃茄沙律酱,火腿炒蛋烤鸡肉,足料但个人觉得包皮无飞边太干,所以食净所有包皮,薯皮薯条够热够原整大条唔会干争争。*怀旧西多士$34配即磨咖啡,西多士煎炸得刚刚好,唔会过火或用千年油有㶶黑,花生酱也不少,爱饮咖啡既可以系度叫杯叹下下午茶,香浓幼滑咖啡配上花生酱西多无得顶!