牛繁 (MW Plaza) (已結業)

午餐食烧烤，百几蚊一个Lunch set都几多嘢食，有前菜（菠菜拼芽菜）、有蛋花汤、有两款沙律俾你选择（薯蓉沙律/蟹柳沙律）、白饭（加钱可以要温泉蛋饭/冷面）、饮品（乌龙茶、柠檬茶/柠檬水）另外可以加钱饮Soda（巨峰提子、柚子、菠萝…）肉类我选择左两款：特上牛胸腹肉 、元气牛五花，呢两款肉我原本想讲解一下佢哋嘅分别，但系…😅我觉得差唔多，分别唔系好大，即系可以讲都几好食😋，然后仲追加左一份葱烧盐香牛舌，佢会将一碗葱同一件柠檬另外上，当你将件牛舌烧到大约七成左右，就放啲葱上去一齐烧，食之前加少少柠檬汁，食落肚唔会觉得好油腻，反而几清新，不过件牛舌本身就一啲味都无，唔算系好好食，不过又唔难食，所以我如果再返嚟嘅时候唔一定会再叫😁