肉搏食堂 (已結業)

咁啱要去尖沙咀做嘢，搞完都差唔多一点，就喺附近揾嘢食。见到呢间门口放咗个餐牌有自选刺身饭价钱又唔贵，而且仲有单人位就快快脚行咗入去。好似车仔面咁样拣咗自己喜欢嘅食物，就落单。刺身入面除咗饭立贝比较薄身少少之外其他都合格正常，加咗$6有紫菜芝麻饭，份量都唔算少。加咗$18转做特饮，系抹茶鲜奶，抹茶同牛奶味都好浓郁，绝对唔系求其，有惊喜！另外楼面人手唔系好够，只有一个人落单。反而见到开放式厨房入面有三四个人。中午时间加多啲楼面人手就好啦，毕竟大家都赶住食个快饭返去工作。