Oliva (已結業)

o系大埔做野咁耐，今日第一次出o黎市中心食饭。餐厅环境的确o系大埔罕见，但同外面环境有d格格不入，餐厅内虽然楼底高，不过都几嘈，逼住要大声讲野。餐前包预先摆晒o系度，但要叫d waiters 先识拎balsamic vinegar 同olive oil o黎，汤未饮完，包未食完，主菜就o黎，所以，个主菜都好快冻。汤o系杂菜汤，味道有别于一般，但完全唔够热，所以唔好饮。主菜o系鸭丝甚么汁扁意粉，鸭丝完全唔o系丝，好似烟鸭胸多d，又几肥下。个sauce 几爽，o岩我，扁意粉亦al dente，但好快冻晒，食落无乜瘾，于是净半碟，唉。其实佢果碟野o既份量，两个人share 都得。再加个tiramisu，个样好"四正"，食落够滑，又唔硬，又唔太湿，芝士同咖啡味都好出，且擦出不俗火花，唯酒味欠奉，点都有d失望。埋单每人六十，其实好抵，比喊面好似太hasrh。不过，dinner o黎可能好d。