Cafe 360 (已結業)

难得同朋友聚会，揾一间价钱实惠又有格调既餐厅，非Cafe360莫属！我点左肉酱肉丸焗意粉，附送餐汤同埋饮品（加3元）。价钱68+3=71元，对于一般西餐厅，依个价钱绝对合理，而且水准高。暖笠笠既餐汤，配上脆卜卜既酥皮，系我至爱饮既，其他西餐厅一般都要加配几十元，所以套餐已经包埋酥皮餐汤，实在超值！肉酱香浓，加上满满肉碎，再加埋口感丰富又多汁既肉丸，捞埋意粉真系好易入口，一啖接一啖，停吾到口。其他主食我冇试，但系朋友都一致表示值得推荐，除左鱼柳有雪藏味，其他味道对得起依个价钱。小食方面加配左一份薯条，我超爱食依种新鲜薯仔切成条状，再炸好既薯条，口感厚实又食到新鲜既薯仔味，配合茄汁，满口香气。推荐一家大小或朋友聚会都可以黎食，环境同格调都非常舒适，令人坐低聊天不知不觉就过左一个小时。