298 Nikuya Room

营业中

休息中

同事介绍我嚟呢度试，我听佢讲好耐，终于都约到友人一齐嚟呀预先订好位先，因为午市时间好难订由其是呢个疫情时期楼上舖，得一部䢂，行吓楼梯啦餐厅环境好阔落，枱与枱之间好多位，烧完都唔会有好大阵味黐上身同头发。唔理咁多，时间有限，因为系限时，就298 set啦，再加一份海胆牛肉卷。先嚟饮品，食得烧肉，点会冇啤酒。一盘前菜、沙律菜、白饭、牛舌、汤先嚟，然之后到份298 set。前菜、沙律都系一般，牛舌三片仔又好嫩㖞，白饭唔系珍珠米。298 set有5款牛嘅唔同部位，我冇问到咁详细，食咗先讲，牛肉都有腌过吓，我都系烧到面转咗色就食，入口有牛味，有啲油脂，有啲腌味，腍嘅烧烧吓份海胆牛肉卷嚟到，即刻夹嚟食，入口系幸福嘅味道，牛肉嘅鲜味同嫩，海胆嘅鲜同滑，一啖一件喺个口度唔系好想咬。食饱之后对友人有啲失落，就系冇甜品食喇。