泰鳩

营业中

休息中

嚟过三次，第一次系晚餐，跟住两次系午餐，希望食物水准平均至真系写食评。第一次嚟试晚餐嘅餐单觉得选择其实唔多，反而午餐嘅餐单以及价钱比较吸引，所以至来试第二次。个人觉得海南鸡饭系抵食嘅，除咗鸡嘅份量唔少，仲有一碗细细碗嘅冬阴功汤，味道非常唔错。饭唔系鸡油饭，而系椰子饭，食上去冇鸡油饭咁油腻。烤春鸡感觉上比较干；妈妈试咗羊扒，羊扒份量两件唔算多，但系咖喱汁同蒜蓉包就好好味。而且最近去见到佢晚餐都开始出套餐，79元都好抵，应该会比我第一次去嘅时候更加抵食，选择更多，感觉到餐厅系想有改善增加客源。你唔好当佢系明星开嘅餐厅，就以一般餐厅去理解都系一间值得食个快靓正午餐兼唔收加一嘅地方。