程班長台灣美食 (已結業)

好耐之前听过「程班长台湾美食」开喺荔枝角工厦，星期六终于的起心肝嚟试食! 中午12点几去到，门口已经有好多人排队，我地排咗大约半个钟度先入到去食!入到去觉得啲座位比较迫，同人背贴背咁坐，坐就坐得唔系咁舒服架喇，不过主要系嚟试佢地嘅台湾正宗野食。先试下啲小食呢个甜不辣($20)系冻系，个人觉得一般。牛肉卷饼($32)，都算足料，入面仲有青瓜。蚵仔煎 ($35) ，佢啲蚵仔系比较大粒，虽然冇台湾果啲咁好食，但系喺香港嚟讲呢个算系有台湾风味。主食叫咗个红烧半筋半肉面同手工卤肉饭。红烧半筋半肉面($52)，面系阔𠮶只，个汤底都好够味，牛肉够淋，啲酸菜都唔错。手工卤肉饭($32) 同另一只肉燥饭，系较肥，个人觉得肥啲好食啲，咁多样野我最满意手工卤肉饭。总括嚟讲啲野食系唔错，不过如果环境冇咁迫会好好多，可能星期六特别多人，下次试下闲日会唔会好啲啦。