影片
更多
2023-10-27
641 浏览
又喺完咗聚会，同老友揾地方食晏，而今次老友话有间新店开张无耐，不如试试，睇个店名你就知主打喺牛杂、鱼蛋嘅粉面店啦。因为新开张无耐，所以，环境比较新簇，不过，啲枱櫈就真喺几逼吓，依家疫情过去，所有嘢都复常，搭枱变咗喺必然。地方细细，枱面又细细，一大堆餐具、调味料都摆埋上枱，挜咗唔少空间，所以，一人一个碟头叫做啱啱好够位而已。 食物选项方面，其实都有啲茶餐厅嘅形式经营，因为除咗粉面之外，仲有泡饭、饭餐、包餐，所以，你话同茶餐厅有咩分别，哈哈！ 五香牛杂饭 $50呢度啲碟头饭实在大堆头，好似老友嘅牛杂饭咁样，饭一大碟，牛杂又有一大碟，绝对够晒饱肚有突。始终店家主打都喺牛杂，所以佢哋嘅牛杂差唔得去边，老友就话炆得够入味，又香又腍，确系唔错。 梅菜扣肉饭 $50小弟就拣梅菜扣肉饭，因为唔喺度度都有整，越嚟越少铺头卖。同样喺份量十足，不过，撩几撩，就会发现扣肉唔系好多，梅菜占大多数，而且，梅菜有啲偏咸，扣肉嘅亦都以肥肉偏多，整体嚟讲只可以叫做中规中矩。 热奶茶因为佢哋嘅格局都似茶餐厅，亦睇到水吧师傅冲奶茶都似模似样，所以，就拣杯热奶茶饮吓。同样都只喺属于中规中矩，其实都好够茶香嘅，但茶底又唔算话好
因为新开张无耐，所以，环境比较新簇，不过，啲枱櫈就真喺几逼吓，依家疫情过去，所有嘢都复常，搭枱变咗喺必然。
地方细细，枱面又细细，一大堆餐具、调味料都摆埋上枱，挜咗唔少空间，所以，一人一个碟头叫做啱啱好够位而已。
食物选项方面，其实都有啲茶餐厅嘅形式经营，因为除咗粉面之外，仲有泡饭、饭餐、包餐，所以，你话同茶餐厅有咩分别，哈哈！
五香牛杂饭 $50呢度啲碟头饭实在大堆头，好似老友嘅牛杂饭咁样，饭一大碟，牛杂又有一大碟，绝对够晒饱肚有突。始终店家主打都喺牛杂，所以佢哋嘅牛杂差唔得去边，老友就话炆得够入味，又香又腍，确系唔错。
梅菜扣肉饭 $50小弟就拣梅菜扣肉饭，因为唔喺度度都有整，越嚟越少铺头卖。同样喺份量十足，不过，撩几撩，就会发现扣肉唔系好多，梅菜占大多数，而且，梅菜有啲偏咸，扣肉嘅亦都以肥肉偏多，整体嚟讲只可以叫做中规中矩。
热奶茶因为佢哋嘅格局都似茶餐厅，亦睇到水吧师傅冲奶茶都似模似样，所以，就拣杯热奶茶饮吓。同样都只喺属于中规中矩，其实都好够茶香嘅，但茶底又唔算话好深沉醇厚，口感亦未喺话好柔滑。
由于环境确喺比较挤逼，所以，我哋食完都快快走，纯粹食餐晏昼饭，都唔太方便坐耐啲倾多几句！
张贴
