影片
更多
2020-04-15
2010 浏览
呢日同呀媽去開將軍澳買嘢，就順便食埋個午餐🥢。之前經過幾次已經留意到依間叫「大茶飯」嘅餐廳，皆因個名好易記🤣，呢日終於有機會一嚐試試。餐廳環境光猛，座位數量唔算多，門口外都有幾張枱，我哋就係坐咗喺嗰到喇。雖然我哋係嚟食晏，但時間已經兩點，所以可以叫Tea Set，比較抵食👍。另外，主餐牌嘅食物選擇超多，花多眼亂。部份食物命名更加食哂字，同餐廳名稱一樣大賣噱頭😝。餐廳主打台灣菜，不過都有賣🚗車仔麵，因此麵底、配料同湯底都有得慢慢揀，呀媽叫咗碗食下。🍜麵底揀咗准山麵($15)，配料要咗黃金蝦餅($14)、麻辣鴨血($12)、滷水豬大腸($12)同秘製豬皮($12)，最後湯底要咗鮮熬豬骨湯拼沙嗲汁。我試咗蝦餅(好厚好大塊)同豬皮，味道都幾好食；呀媽就話鴨血同豬大腸都OK。由於係下午茶(Set A)嘅關係，嗌三餸車仔麵就送飲品。不過整體以車仔麵來説，我覺得算偏貴，因為份量唔多，比較大路嘅餸如豬皮、豬大腸都要$12🙈，好彩味道搭救。我自己要咗Tea Set D嘅滷水牛腱麻香拌麵($40)，🐮牛腱肉有三塊，肉質都幾嫩。落單時店員提醒個麵會有啲辣，食落我認為麻醬味多過辣味，就算真係辣，旁邊都有個湯可
呢日同呀媽去開將軍澳買嘢，就順便食埋個午餐🥢。之前經過幾次已經留意到依間叫「大茶飯」嘅餐廳，皆因個名好易記🤣，呢日終於有機會一嚐試試。餐廳環境光猛，座位數量唔算多，門口外都有幾張枱，我哋就係坐咗喺嗰到喇。
雖然我哋係嚟食晏，但時間已經兩點，所以可以叫Tea Set，比較抵食👍。另外，主餐牌嘅食物選擇超多，花多眼亂。部份食物命名更加食哂字，同餐廳名稱一樣大賣噱頭😝。
餐廳主打台灣菜，不過都有賣🚗車仔麵，因此麵底、配料同湯底都有得慢慢揀，呀媽叫咗碗食下。
🍜麵底揀咗准山麵($15)，配料要咗黃金蝦餅($14)、麻辣鴨血($12)、滷水豬大腸($12)同秘製豬皮($12)，最後湯底要咗鮮熬豬骨湯拼沙嗲汁。我試咗蝦餅(好厚好大塊)同豬皮，味道都幾好食；呀媽就話鴨血同豬大腸都OK。由於係下午茶(Set A)嘅關係，嗌三餸車仔麵就送飲品。不過整體以車仔麵來説，我覺得算偏貴，因為份量唔多，比較大路嘅餸如豬皮、豬大腸都要$12🙈，好彩味道搭救。
我自己要咗Tea Set D嘅滷水牛腱麻香拌麵($40)，🐮牛腱肉有三塊，肉質都幾嫩。落單時店員提醒個麵會有啲辣，食落我認為麻醬味多過辣味，就算真係辣，旁邊都有個湯可以解下。碗湯幾好飲，似車仔麵個豬骨湯，幾夠味🤤。
狂蜂浪蝶蚵仔酥
$88
61 浏览
1 赞好
0 留言
狂蜂浪蝶蚵仔酥($88)，本身只係諗住八卦下個主餐牌，但見到有蚵仔酥、而唔係常見嘅蚵仔煎，就忍唔住口叫嚟食。嘩，個造型同想像中唔同，有少少其貌不揚😅，不過份量超多，而且好好食。蠔仔好新鮮，完全唔腥，每粒都酥酥脆脆，難得食完一啲喉嚨痛嘅感覺都冇。
我同呀媽都鍾意食芋圓，所以叫埋Tea Set J 黑糖芋圓仙草凍1號($28)，即包括紅豆、綠豆同珍珠。唔知下午茶餐嘅甜品Size係咪細啲㗎呢？但而家呢個量啱啱好，因為都飽飽地。店員好細心😊，知道我哋Share食，所以主動比多隻碗我哋。芋圓有幾隻色同味，連同珍珠都幾好嚼，唯一扣少少分係整體甜咗啲。
薏米水
58 浏览
0 赞好
0 留言
飲品方面🥤，我要咗凍薏米水，清清地幾好；呀媽就加咗$8要凍台灣甘蔗汁。
總括嚟講，呢間餐廳嘅多方面(食物味道、環境同服務等)都算唔錯，唯獨定價就無乜優勢。餐廳因應政府要求堂食坐唔滿，但相反外賣訂單源源不絕。最後，我埋單時發現佢係撐香港人的店啊，齊上齊落💛。
张贴
