Le Viet (已結業)

喺疫情底下餐厅够宽敞，其实都系作为食客嘅考虑，因为空气会流通啲。所以有时谂唔到食咩，都会走过来。午餐嘅选择，好似都唔会点更换，所以今次黎，可以食下之前未试过嘅嘢！之前见好多枱客食呢个牛腩锅，已经好想试。系天气冻嘅情况下，更加值得一试，因为keep住热辣辣！个锅有牛腩有牛筋，炆得刚刚好，咖喱味都好香浓，送饭一流！另外佢嘅串烧配香辣炒饭都好出色！$69有猪牛鸡串烧已经好抵，仲要唔系干身细细旧，个炒饭香口，辣得来好惹味！至于个越式海鲜炒檬粉，亦都好足料，有虾有鱿鱼有蚬肉，食落质感似炒米粉，好味！跟餐加$8可以有特饮，我就拣咗咸柠七！虽然餐牌冇，但同职员讲就可以安排到。最后就系我几乎每次黎都会叫嘅乌头，因为条鱼真系好新鲜，啖啖肉，几个同事一齐食就啱晒，再一次要赞下佢个汁，香得来辣辣地酸味味，好开胃！