牛摩+ (沙田中心) (已結業)

今日有人坚持要午餐打边炉，门口又要排队，害我等到下午3点几先有得食。午市套餐有系几抵食嘅，平平地 $80 起已经有牛肉同任食 60 分钟火锅。牛肉份量好足，8 片大大片嘅（我试过有间食牛肉锅成 $100 却只得 4 小片牛）。其他食物系正常火锅料，不过不失。唯一对佢嘅 wasabi 丸有少少意见，攻鼻得嚟味道亦怪怪的。另外饮品选择都几多，冻饮除咗汽水仲有沙冰。最近戒紧冻饮仲怕无嘢啱我饮，点知佢又有热柚子茶，呢个真系唔错，我欣赏！限时 60 分钟任食，够钟都唔会赶我哋走（可能系人手唔太够，而且旁边都仲有好多空位），所以感觉又抵咗～ 哈