壹號漁船 (富萊花園)

营业中

休息中

之前夜晚新开张嚟打个边炉。今次就饮下午茶。大厅呢边比起打边炉𠮶边更加宽敞，加上唔算好多人坐得都几舒服。呢度点心啲款式都几特别，大部份啲味道都唔错，价钱亦都相当合理，系位置有少少隔涉，但系如果想饮茶冇咁嘈都可以考虑嚟呢度。讲返啲食物先个肠粉里面包住啲油炸鬼同埋虾啲油炸鬼完全冇淋仲系脆卜卜，啲虾肉又爽。鹅肠𠮶份量就少啲，可能呢个系小食㗎关系。但系另外个鱿鱼唔会揸得太干身仲好有肉汁。虾饺烧卖就唔特别讲啦，反而想讲讲佢个牛肉饺，好特别里便系用咗免治牛肉整嘅，超有肉味，佢又唔似肉酱嘅口感，但系又唔会好似肉碎咁干身，呢个值得嗌。个肠粉落咗啲虾米喺度超香口。牛仔骨个量都足，又够淋但又无梳打粉㗎感觉。可能佢自己做埋打边炉，个滑牛粥啲牛肉都好嫩滑好够厚。最后本来想嗌炒粉面，但系见佢个酸菜鱼都唔使$100就叫来试吓。如果钟意食辣嘅朋友呢个真系超推介，个椒蔴劲抢喉辣得过瘾，美中不足系可以酸返少少就正啦。另外个炸豆腐粒都几特别外脆，里面嘅豆腐还很嫩滑。