茶木‧台式休閒餐廳 (Citylink) (裝修中)

聖誕節假期唔想再食西餐就嚟咗呢一間台灣餐廳食lunch，價錢就係貴咗少少嘅，set lunch要82蚊，不過味道唔錯，有驚喜。兩個set lunch分別叫咗紅蔥南瓜燉牛腩同埋黑醋味醂豬軟骨，牛腩同埋豬軟骨都好入味而且煮得好軟熟，特別係個豬軟骨，真係整得幾好食。set lunch仲可以揀肉燥飯或者地瓜米粉，我哋就各一啦，兩樣味道都唔錯，另外跟一小碟菜同埋半隻溫泉蛋。飲品就叫咗熱檸茶同埋凍嘅黑糖冬瓜茶，成件事就好台灣feel。