八幡屋涮涮鍋 (已結業)

今日见天气好冻，自己一个人Lunch去咗打边炉放纵一下。我拣咗最平𠮶个火锅放题，肉类方面有美国肥牛同两种猪肉，而汤底我就拣咗骨胶原猪骨汤，汽水同其他蔬菜配料系自己出去任攞嘅。先讲讲个汤底，猪骨汤系奶白色嘅，有好浓嘅猪骨味，唔会太咸，饮咗细细一啖，觉得好够骨胶原。跟住就讲下个美国肥牛，肉切得好薄，放落汤底好易熟，每set只系得几片，所以好快食晒又要加单，肉嘅脂肪比较多，所以唔使咀嚼太耐，但牛嘅肉味就比较少啦。而美国黑豚片一样切得好薄，咁样烚熟咗食起上嚟反而唔会韧，脂肪比较少，几有肉味。最后total食咗2碟牛、2碟猪再加其他蔬菜、丸同汽水就完结左我呢餐啦，非常之咁饱。