Hatsu Japanese Restaurant (已結業)

今日来到附近见客，原来而家金钟廊比以前靓咗咁多！客户嘅办公室近住美国银行大厦，于是lunch都直接落楼下食。见到有一间日本餐厅好似唔错，就入去试吓。入到去好大，坐得好舒服。当时差不多两点半，过咗午饭时间，环境增添一份写意闲情。午餐有多款唔同嘅刺身日式便当选择，样样都想食，好贪心嘅我当然选择刺身定食。店员捧住一整份午餐，上到枱一大盘嘅刺身真系十分丰富。面豉汤不过不失，不太咸。日式蒸蛋很滑，甜甜的但蛋味略嫌不太够，冬菇很入味很甜。刺身有海胆、带子、牡丹虾、三文鱼和吞拿鱼，全部都切得厚厚的，口感十足而且好新鲜！海胆用上加拿大海胆，十分大而且很鲜甜很creamy!! 带子同三文鱼都很甜很嫩滑！牡丹虾有一种弹牙感，好甜！唯独吞拿鱼不够肥美，而且吞拿鱼一向不是我杯茶，所以都给朋友吃 。最尾食埋一件雪糕糯米糍做甜品，就完成呢一餐丰富嘅午餐。雪糕糯米糍用了维记算系一个败笔，好彩之前嘅刺身已经令我好满足！