瑞士咖啡室 (已結業)

黎瑞士咖啡室食午餐，算系一个非常稳阵嘅选择。尤其是依种旧式餐厅，超级钟情于佢嘅肉酱意粉又或者其他焗饭，硬系觉得好味啲，系一种香港嘅味道。要行一层楼梯先至上到嚟，门外面已经有餐牌可以睇。今次忍住手，冇叫到肉酱意粉，因为是日午餐见到有焗咖喱鸡球饭，非常吸引。佢哋嘅饭嘅份量，可以话系刚刚好，唔会太过饱，但系又未至于唔饱，不过大食嘅人可能唔够😅😅咖喱汁算系几香浓，完全唔辣，仲有啲椰汁同埋椰丝，口感几特别。鸡嘅份量都OK，最开心系有几粒薯仔，超林超好味！另外，奶茶都OK，不过茶味唔够突出唔够香浓。佢哋热饮只杯系比其他餐厅高，感觉即刻抵番😆😆