十里潮香 (已結業)

经常途经金百利都有好多姐姐执啲传单比你，偶然见到呢间潮州馆即管上去试试。午饭套餐虽然都好多款式，但系都冇乜拣到落手结果拣咗个土鱿蒸肉饼，咕噜肉，同埋呢个卤水鹅，包汤饮品另加钱。先来餐汤，有D惊喜，少有的咸菜猪肚汤，汤料亦算足够，因为胡椒唔够多，又或猪肚洗得唔干净，汤唔够辣之余，有少少肚味，要扣分。蒸肉饼咸咗少少，有啲鱿鱼粒，有咬口。咕噜肉，虽然切得细粒咗啲。但系炸得香脆，同埋啲汁都几野味，酸酸甜甜，几好食。卤水鹅几入味，鹅肉亦都腍滑，仲有一堆生菜喺旁边，有菜有肉，感觉还可以试多一次。