籠太子點心專門店 (已結業)

中午做完嘢未返公司前，和同事一齐去食午饭，路过利园山道想起呢间点心店，贪佢无加一，茶钱平，所以就行咗落去。虾饺皇两粒  $15外皮比较白净，烟韧，好似有少少肥嘅感觉，味道ok。前虾胶酿茄子  $22酿鱼肉嘅就食得多，呢度用虾胶，煎完后加豉汁，虾胶弹牙，茄子柔软，味道唔错。药膳鸡脚  $24鸡脚好腍，吸晒药材嘅味道，D汤好正。雪山叉烧包 $23 外皮唔够脆身，D叉烧馅干咗少少，嘛嘛地。海皇芝士千丝卷  $26比较油腻，里面芝士唔系太多，虾size 唔大，味道还可以，但个千丝卷真系好脆。咸鱼肉饼饭  $30猪肉唔系挅得好碎，比较大粒，咸鱼味道唔系好突出，比较实肉，面D饭偏硬，下面软熟返少少。