笑麵虎車仔麵 (已結業)

今日咁啱去咗湾仔做嘢，就喺附近食咗呢间车仔面， lunch排队大约10分钟，一入到去，佢哋系自己用蜡笔喺一张过咗胶嘅餐牌剔嘢食，我点左下面呢D，大约等左5分钟个面就上黎啦，先讲下车仔面一定要有嘅萝卜，睇落色水已经好深，焖得好入味，而且都带有萝卜嘅清甜，另外我仲拣咗佢哋推介嘅日式叉烧，足足有两大块，真系成块面咁大，叉烧肉质好腍，有一种入口融化的感觉， 但系我就略嫌叉烧嘅肥膏太多。再嚟就系汤底，由于我拣咗小辣，所以汤底除咗好鲜甜之外，仲有D辣，对一个唔食辣嘅我嚟讲，小辣都争啲顶唔顺。最后讲下个濑粉，好滑，好有口感，但系就比较易碎，用筷子好难夹黎食。