Selfie Cafe (已結業)

一星期前帮衬过晚餐，店员推广话佢地午餐同下午茶都好扺食，我谂晚餐都唔错，试佢地个午餐，睇下会唔会偷工减料，将货就价。我点了芝士焗南瓜龙利柳饭，午餐仲包括牛油果藜麦沙律，餐汤和饮品，$68价位唔算贵，但要睇下质素点先。(1) 餐汤磨菇忌廉汤，呢次份量比晚餐多👍🏻，味道唔错，够杰身磨菇味重(2) 牛油果藜麦沙律份量唔多，意大利醋底都几酸，不过咬一口哈蜜瓜后，刚好中和晒，配上牛油果和藜麦两味近来被喻为超级健康食物，口感好又健康，值得加分(3) 芝士焗南瓜龙利柳饭龙利柳一定唔会有咩鲜味，但肉质够滑，芝士南瓜酱汁甜甜地易人口，南瓜味比芝士味重，中规中矩啦(4) 皇后奶茶一试难忘，茶味浓，奶味一啲都唔会盖过茶味，只觉得系饮紧一杯香滑红茶，奶... 已经溶入茶中，合为一体，加上热度够，100分👍🏻总括嚟讲，食物质素好，店员又无见我食完就催促埋单，$68系物有所值。