雅閑泰

营业中

休息中

一讲起锦田红砖屋，我谂大家都清楚喺边度啦。𠮶度有间泰国嘢真系好多嘢食㗎。另外，仲可以挑战味蕾，皆因厨师用咗泰式奶茶做茶胆，所以眼见涷柠茶非涷柠茶，啜落去系涷奶茶。妈吖，好奇怪吖！午餐款式劲多，味道唔错，特别系炒饭及炒面。份量大，用料够，又入味。冬阴功有晒泰国风味，中意配饭配面都冇问题，再加上有咁多款配料俾你拣，包唔会闷！不过泰国最知名嘅『海南鸡』就一般般，食水唔靓，白雪雪。无办法！好食嘅海南鸡真系可遇不可求！炒饭做得好出色，配料多又入味！香叶辣肉碎煎蛋饭，肥肉少，略嫌肉碎炒得太干！蚝仔煎蛋饭，粒粒蚝仔都好大粒下面呢个系香叶肉碎炒饭泰式金边粉，呢啲基本嘢基本上唔会有出错㗎喇，大家可以放心食！你睇下呢个泰式炒金边粉几多配料，店家真系一啲都唔孤寒！青咖哩一般般，就正正常常喇，即稳定。下面四款，分别喺船面/海南鸡汤河/冬阴功海南鸡汤饭及冬阴功猪颈肉汤河。冬阴功真系好正，同事成日都叫呢个，再咁食法又重几磅！最后讲一讲：香茅猪扒香茅鸡翼就唔好叫啦，呢啲嘢系返越南餐厅食。呢度唔得㗎！饭后会送每人一件大菜糕，味道款式好多，有朱古力、西米、红豆等等。