影片
更多
2025-02-23
0 浏览
我同女朋友晏昼行北角出嚟玩，啱啱又撞入咗间好有feel嘅Steakhouse——La Parrilla Steakhouse。入到去就觉得环境好型，装修现代又舒服，灯光柔和，背景音乐又轻松，真系好适合轻松食餐嘢同倾偈。我哋拣咗个set lunch ($218pp) ， 包括咗餐前面包、前菜、主菜同埋任食嘅蒜香薯条。首先上场嘅系餐前面包，外皮脆脆，里便软有弹性，啱啱热辣辣嘅，再配上黑醋橄榄油，绝对唔输牛油，食落口感层次好丰富。跟住就有第一道前菜—阿根廷柠汁腌虾。虾肉清脆弹牙，每一啖都有红心萝卜、蕃茄仔、芫荽同埋紫薯脆片，层次感十足，酸酸甜甜好开胃！第二道前菜系番茄浓汤。呢碗浓汤一饮就知系用真材实料煮出嚟，蕃茄味道浓郁又带啲酸酸嘅感觉，系一个唔错嘅清爽开场。主菜方面，我哋各自试咗唔同款式。我系选咗Ojo de Bife — 肉眼扒，上枱𠮶阵只碟仲系暖嘅，卖相满分！未食已经闻到阵阵牛扒香同蒜香味。切开一睇，肉质粉嫩，入口多汁，油脂丰富，真系满足到爆！而我女朋友就拣咗Grilled Spatchcock Chicken（烤鸡）。个鸡用Chimichurri酱腌得入味，加埋半个柠檬提味，清新感十
我哋拣咗个set lunch ($218pp) ， 包括咗餐前面包、前菜、主菜同埋任食嘅蒜香薯条。
首先上场嘅系餐前面包，外皮脆脆，里便软有弹性，啱啱热辣辣嘅，再配上黑醋橄榄油，绝对唔输牛油，食落口感层次好丰富。
跟住就有第一道前菜—阿根廷柠汁腌虾。虾肉清脆弹牙，每一啖都有红心萝卜、蕃茄仔、芫荽同埋紫薯脆片，层次感十足，酸酸甜甜好开胃！
第二道前菜系番茄浓汤。呢碗浓汤一饮就知系用真材实料煮出嚟，蕃茄味道浓郁又带啲酸酸嘅感觉，系一个唔错嘅清爽开场。
主菜方面，我哋各自试咗唔同款式。我系选咗Ojo de Bife — 肉眼扒，上枱𠮶阵只碟仲系暖嘅，卖相满分！未食已经闻到阵阵牛扒香同蒜香味。切开一睇，肉质粉嫩，入口多汁，油脂丰富，真系满足到爆！
而我女朋友就拣咗Grilled Spatchcock Chicken（烤鸡）。个鸡用Chimichurri酱腌得入味，加埋半个柠檬提味，清新感十足。鸡肉出乎意料咁嫩滑多汁，每一啖都令我感受到浓厚嘅烤香味同香料气息，真系比我预期中更加好味。
set lunch入面仲包任食蒜香薯条，啱啱炸好热，蒜香够浓，口感外脆内软，仲系我哋最钟意嘅幼身款。
另外，我哋加咗个+ $68嘅配菜 — 西兰花青豆。呢份配菜用轻微煎香处理，解腻又有啲清新感，虽然味道唔会话太特别，但整体上同其他浓郁嘅菜品配埋都相当平衡。
除咗食物，唔少得嘅仲系服务同气氛。店员态度亲切，点餐同上菜速度都几快，环境、食物同氛围都令我哋食得满足。
总括黎讲，La Parrilla Steakhouse真系一个值得推荐嘅地方，无论系同朋友、情人或家庭聚餐，都可以喺呢度享受一个高质素嘅用餐体验。下次嚟北角一定会再试多啲其他菜式，等我慢慢发掘更多惊喜！
张贴
