影片
更多
2019-05-01
103 浏览
今日下昼要来元朗做野，所以早早地嚟咗元朗食咗午饭先。原来呢间铺头呢段时间做紧韩式汤锅午膳，只要拣好要食嘅汤锅，其他前菜饮品白饭甜品都系任食嘅，啱晒贪心嘅香港人。佢有宫廷人参汤窝但系一定要两个人一齐嗌，为咗试多两款唔同嘅汤锅唯有放弃，最后拣咗排骨薯仔汤锅同埋济州牛丸汤锅。呢度除咗有过咗胶嘅Menu外，其实仲有iPad俾你落单非常方便。汤锅未到之前出咗去自助区攞啲前菜食，今日见到有牛油炒杂菌，烤番薯，韩式年糕炒肠仔，酸酸辣辣嘅木耳同莲藕，有甜有酸有辣有咬口又爽口，极之满意。行过仲见到好多人整雪糕食，但冇理由未食正餐食甜品，哈哈。所以顺手拎多两罐汽水就番埋位了。想提提大家，呢度有得任饮汽水，估唔到连白色罐嘅纤维可乐都有得饮，食饭之前饮番罐打底，可以减少吸收脂肪。第一个到嘅汤锅系薯仔排骨汤锅，十分十分之足料，有好多煲到软晒嘅排骨，仲有大大嚿嘅薯仔，汤底有啲辣非常惹味，放入白饭一齐食，很开胃。以为叫得排骨就有骨落地，原来全部都是猪软骨，始料不及，比个like! 另外一个锅有几粒济州牛丸同肥牛，最正系仲有几旧大嘅萝卜。牛丸同肥牛好味，萝卜食落十分清甜，非常满意。其实个锅都相当丰富，但念念不忘佢嘅
原来呢间铺头呢段时间做紧韩式汤锅午膳，只要拣好要食嘅汤锅，其他前菜饮品白饭甜品都系任食嘅，啱晒贪心嘅香港人。佢有宫廷人参汤窝但系一定要两个人一齐嗌，为咗试多两款唔同嘅汤锅唯有放弃，最后拣咗排骨薯仔汤锅同埋济州牛丸汤锅。呢度除咗有过咗胶嘅Menu外，其实仲有iPad俾你落单非常方便。
汤锅未到之前出咗去自助区攞啲前菜食，今日见到有牛油炒杂菌，烤番薯，韩式年糕炒肠仔，酸酸辣辣嘅木耳同莲藕，有甜有酸有辣有咬口又爽口，极之满意。行过仲见到好多人整雪糕食，但冇理由未食正餐食甜品，哈哈。所以顺手拎多两罐汽水就番埋位了。想提提大家，呢度有得任饮汽水，估唔到连白色罐嘅纤维可乐都有得饮，食饭之前饮番罐打底，可以减少吸收脂肪。
第一个到嘅汤锅系薯仔排骨汤锅，十分十分之足料，有好多煲到软晒嘅排骨，仲有大大嚿嘅薯仔，汤底有啲辣非常惹味，放入白饭一齐食，很开胃。以为叫得排骨就有骨落地，原来全部都是猪软骨，始料不及，比个like!
另外一个锅有几粒济州牛丸同肥牛，最正系仲有几旧大嘅萝卜。牛丸同肥牛好味，萝卜食落十分清甜，非常满意。
其实个锅都相当丰富，但念念不忘佢嘅软雪糕，最后都整咗个抹茶雪糕食，个人真心推介，绿茶雪糕再加朱古力酱，冇得弹。
因为任食，所以坐吓食吓都坐左个零钟，食饱饱后买单去做嘢了。
张贴
