沙嗲王 (金馬倫道) (已結業)

餐廳非常之大，但係要行兩層樓梯上去，好多枱，唔需要點等位，餐廳自助落餐。新出沙嗲王終於有沙嗲食，叫咗沙嗲more牛肉粉絲，午市同下午茶時段會包嘢飲，同埋可以加錢要小食。牛肉粉絲有少少BB辣，沙嗲醬加上炒香芝麻做湯底，非常濃郁，粉絲吸入沙嗲味，香口。牛肉大塊份量多，冧身唔韌，牛味唔算好重，被沙嗲味蓋過。蒜蓉牛油雞翼，炸粉厚度適中，外脆內軟，好Juice，有雞油味，套餐加$15會有兩隻。飲品選擇多，份量多。