鐵板超

营业中

休息中

午餐66折铁板烧见到午餐有66折优惠，就拣左中午去食下真系几抵，叫左R餐，师傅非常有礼用心，一边吹水一边介绍下食物，慢慢享受，师傅最后既一幅画画得好可爱，完全系惊喜呀～🥕南非大鲍鱼⭐️⭐️⭐️⭐️⭐️一上枱非常新鲜，鲍鱼郁得好劲又大只，食落弹牙爽口，师傅建议可以点酸甜汁黎食。🥕大海虾⭐️⭐️⭐️⭐️⭐️用左本身既虾膏加左蒜蓉、柠檬、日本清酒去汁去调味，烧到微微焦香，食落更加鲜甜。🥕法国鹅肝⭐️⭐️⭐️⭐️⭐️鹅肝煎到外面微微焦香，但内嫩，入口油脂爆发，多士十分香脆，最后再食菠萝既酸甜完全可以解左油腻感。🥕日本A4和牛薄烧⭐️⭐️⭐️⭐️⭐️叫左5成熟，和牛包裹住炒过既葱蒜，牛味好出又嫩，师傅建议点左边既烧肉汁，令和牛更加香同微甜。🥕虾干蟹子炒饭⭐️⭐️⭐️⭐️☆表面放上虾头，非常邪恶，白饭加蛋再加虾干蟹子炒到粒粒分明。🥕季节野菜⭐️⭐️⭐️⭐️☆紫色系日本蕃薯非常甜莲藕脆卜卜🥕沙律前菜⭐️⭐️⭐️⭐️☆沙律菜新鲜，车厘茄非常清甜，仲有芥末八爪鱼同埋鱼干合桃。🥕海鲜汤⭐️⭐️⭐️⭐️☆清清淡淡，不会太咸，鲜味十足。🥕炒杂菜⭐️⭐️⭐️⭐️☆🥕甜品⭐️⭐️⭐️⭐️☆系荔枝味雪糕呀～======详情======铁板超尖沙咀么地道61号冠华中心地下1号舖👣尖东站P2出口步行约1分