影片
更多
2019-09-18
81 浏览
之前听朋友讲虾面店午餐时段全单有8折优惠，今天去到荃湾做嘢，就一于去试下。午餐时段间店得好少食客，心谂有折都咁少人，会唔会中伏呢？不过行到黎就食啦，无谓再四围走。坐下无耐，员工(暂称为阿甲)黎到落单，好奇怪个阿甲坚持落完一个人嘅 order (要边个面餐，要边款粉面，跟那款小食同饮乜) 后先落另一个，落了几个order 仲话要停一停，话部机唔可以一次入咁多个餐，不断讲入了一杯冻柠茶，唔知点解显示为3杯，其实你同我讲我都唔知点解，阿甲之后就行开左。转个头个阿甲又返黎继续落单，落到一半另一员工(暂称为阿乙)到来问我地系咪分单，我地讲无，只系阿甲讲一次入唔晒，阿乙就即时问阿甲有无同人客覆单，之后阿甲突然著晒火，话我又要落单，边度覆到，过程都几大声，仲话阿乙今天一早已针对佢，话「你（阿乙）咁叻，你落埋（单）去啦」，听到同睇到后，我地都O晒咀，喺D客前大闹，真系第一次见。之后见到收银员工都有过黎拉开阿甲。之后阿乙就继续帮我地落单。不过阿甲都几好EQ ，上食物时情绪都好平静，态度同对住阿乙真系180度唔同。😯好，讲返食物虾肉四宝油面配辣味虾汤底，个汤系成碗面的精髓，有香浓虾味至于配𩠌就一般，无特别
坐下无耐，员工(暂称为阿甲)黎到落单，好奇怪个阿甲坚持落完一个人嘅 order (要边个面餐，要边款粉面，跟那款小食同饮乜) 后先落另一个，落了几个order 仲话要停一停，话部机唔可以一次入咁多个餐，不断讲入了一杯冻柠茶，唔知点解显示为3杯，其实你同我讲我都唔知点解，阿甲之后就行开左。
转个头个阿甲又返黎继续落单，落到一半另一员工(暂称为阿乙)到来问我地系咪分单，我地讲无，只系阿甲讲一次入唔晒，阿乙就即时问阿甲有无同人客覆单，之后阿甲突然著晒火，话我又要落单，边度覆到，过程都几大声，仲话阿乙今天一早已针对佢，话「你（阿乙）咁叻，你落埋（单）去啦」，听到同睇到后，我地都O晒咀，喺D客前大闹，真系第一次见。之后见到收银员工都有过黎拉开阿甲。
之后阿乙就继续帮我地落单。不过阿甲都几好EQ ，上食物时情绪都好平静，态度同对住阿乙真系180度唔同。😯
好，讲返食物
虾肉四宝油面配辣味虾汤底，个汤系成碗面的精髓，有香浓虾味
至于配𩠌就一般，无特别，系贡丸叫做有猪肉味，而鱼蛋，墨丸同腐角就无乜味。
至于小食就拣左拼盘，胜在样样有，可以试下。
豆腐由外到内都无味，鸡翼炸得够热，食晒碗面先食佢内里都仲暖暖地，而鸡串都尚算入味。
套餐仲包埋饮品，冷热同价，加上有8折原本都算吸引，仲见到员工咁样，都要过一排先再黎食啦.............
整体来说，店舖真系要好好训练下员工，无论点都好，都唔好在人客面前闹交，真系好影响印象。
张贴
